«In meinem Herzen bin ich der Mundart-Liedermacher, der gerne aus dem Leben erzählt. In meinen Träumen lass ich mich durch schöne Klänge verzaubern. In meinen neuen Liedern ist beides miteinander verschmolzen.»

— Rolland

 
Rolland, Mundart Liedermacher, Musiker,
 

Das ist Rolland

Bereits in meiner Kindheit merkte ich, dass ich die Begabung geschenkt erhielt Melodien zu erschaffen. Und nachdem ich gelernt hatte, wie man mit der Gitarre Lieder begleitet, entstanden schon bald erste eigene Lieder mit einfachen Texten.

Jahre später wurde mir bewusst, dass ich die Welt mit offenen Augen beobachte und Sachen erkenne, welche für viele verschlossen bleiben. So wurde ich zum Mundart-Liedermacher und die erste CD war geboren.

Getrieben von meiner Lust und Freude an schönen Klängen fand ich Unterstützung in einer Band, welche die simplen Gitarren-Lieder mit Rhythmen und farbigen Tönen auffüllte, die zweite CD war geboren!

Mehr…

 

FÜR LEUTE, WELCHE MUNDARTLIEDER MÖGEN UND GERNE ÜBERS LEBEN NACHDENKEN

 

NEUES ALBUM «angerscht»

Die meisten der 12 Lieder des neuen Albums entstanden in den letzten 5 Jahren im stillen Kämmerlein, unterwegs auf Reisen oder bei Spaziergängen im Corona-Lockdown. Es waren Geschichten, die ich hörte, Erlebtes und Begegnungen, welche zusammen mit Melodien, die sich tief in meinem Herzen formten, diese Lieder entstehen liessen.

Mehr…

 
 

TEXTE

  • © Rolland, 2021

    1)

    Sie sitzt im Zug und het d Chopfhörer aa

    Lost iiri Muusig ganz lut

    Z’viel Lüt, z’viel Lärm und öpper Fremds näbedraa

    Das alles macht se fascht kaputt, fascht kaputt

    Es wird erwartet, dass sie use goot

    Und a jedes Familie-Fescht

    Niemer merkt, dass sie dört am liebschte absyts stoht

    Dass sie das stresst mit all de Gescht, mit all de Gescht

    Refrain)

    Sie isch angerscht, das weiss sie schoo

    Doch es will se niemer verstoo

    Isch am liebschte einfach dähäi

    Statt mit de Lüt zäme, lieber älläi

    S Läbe forderet se seer

    Und sie frogt sech immer meer:

    «Wenn isch das alles, alles verby?

    Wenn chan I my sälber sy?»

    2)

    Und mänggisch wünscht sie sech ä Schild uf dr Stirn

    Wo druf stoot: “Sorry, ich bin gestört”

    Dass d’Lüt begriffe, dass nid alles rund lauft im Hirn

    Und das Föpple ändlech hört, jo ändlech hört

    Refrain)

    3)

    So läbt sie iir Läbe, macht so guet s’goot iir Ding

    Ooni Froid und ooni Muet

    Denn chunnt Corona und «Social Distancing»

    Und ihre goot’s jetzt plötzlech guet!

  • © Rolland, 2017

    1)

    D'Chilcheglogge schloot drümol und I ligg hellwach im Bett

    Wieder so ne Nacht won I nid schlofe cha

    Doch das ghört drzu, bin ä Winnetou

    Im Gschäft am Morge e grosses Gstürm, s'lauft verchert vo A bis Z

    Wieder so ne Tag won I nüd ändre cha

    Doch s'isch noni gnue, bin ä Winnetou

    Refrain)

    Und s'Läbe lauft a mir vrby, he jo

    S'isch normal gsi so, ha nüd unternoh

    Ha alles akzeptiert und so lo stoh

    Bis Du bisch cho

    2)

    Äimol mehr vrbieg mi und säg jo zu nere Sach

    I opfere mi förmlech für e dankends Wort

    Wo nid wird cho, s isch halt eso

    Und plötzlech kullre Träne d'Bagge abwärts wie ne Bach

    I wäiss nid was sich i mis Härz inebohrt

    Doch s'wird dure go, s’isch halt eso

    Refrain)

    Und s'Läbe lauft a mir vrby, he jo

    S'isch normal gsi so, ha nüd unternoh

    Ha alles akzeptiert und so lo stoh

    Bis Du bisch cho

    Zwischenteil:

    S'wer viel äifacher alles z'loh wie's isch, s'chunnt irgendwenn scho wieder guet

    S'wer viel äifacher sich z'arrangiere, so öppis brucht käi Muet

    S'wer viel äifacher sich nid z'hinterfroge werum und für was

    Doch will mi gärn ha dräih I s'Stürrad umme und gib Gas

    3)

    D'Bärg- und Talfahrt nimmt langsam ab, bi amne noie Ort acho

    I fühl mi wien e Puddel won e Bad het gnoh

    Doch es chunnt jetzt guet, ha viel noie Muet

    Bi dankbar, dass Du mi dört so i dyni Ärm hesch gnoh

    Und mir gsäit hesch was I muess lo goh

    Di so z ha tuet guet, git vill noie Muet

    Ref)

    Und s'Läbe het mr zäigt, es goht jo o - wenn me cha lo go, s’einfch trybe loh

    Und s’Läbe nimmt si Wäg jo sowieso – muess nid wüsse wo, s’wird anegoh

    Und s’Läbe will mr säge «Hey Du do» – «lo Dis Härz ufgoh, s’isch wunderschön eso»

    Und s'Läbe het än angre Wärt becho - will Du bisch cho

  • © Rolland 2015

    1)

    I ligg uf ere Matte und I lueg y d’Stärnenacht

    Gseh Liechter funkle hundertfach, dr Aablick isch e Pracht

    Und wie ne wisse Schleier lit quer übrem Himmelszelt

    D’Milchstross, oisi Galaxie, wo d'Sunne o mit drzu zellt

    Refrain)

    Und I stuun ab dere Schönheit, wo’s do z’gsee git i dr Nacht

    All das Liecht wo sich vor so villne Johr uf e Wäg zu ois het gmacht

    Ganz niechtern zäigt ois d’Wüsseschaft, wo mir do genau sy

    Und I versuech’s z‘begriffe - und füül mi munzig chly

    2)

    Wusch - ä Sträife quer dur d‘Nacht, ä Stärnschnuppe vergliiet

    Und näbedra e Satellit, wo sini Baane ziiet

    O wenn's öis nid so vorchunnt, aber mir rase schnäll dur’s All

    Und all das hett si Aafang gnoh wyt zrugg mit ‘mne riesige Knall

    Refrain)

    Und I stuun wie alles im Glychgwicht isch, s’keini Kollisione git

    Wien e grossi Chraft alles zämme hebt, und s’niemer usespiggt

    Ganz niechtern zäigt ois d’Wüsseschaft, wie oisi Bahn wird sy

    Und I vrsuech’s z‘begriffe - und füül my munzig chly

    Zwischenteil)

    Und sett I hundert Johr alt wärde, was möglich chönnt si,

    Wär das nur e Wimpereschlag im Läbe von’re Galaxie

    Denn hesch Du gwüsst, dass jedes Atom, wo in ois existiert

    Erscht entstande isch, will vor langer Zyt do moll e Sunne isch explodiert

    3)

    Lueg dört bim Stärnbild Pegasus, ä Näbel gsesch ganz chly

    S’isch s’Liecht vo dr Andromeda, dr Nochbers-Galaxy

    Und wenn me no vill wyter goht, tief yne y das All

    Gsesch Milliarde vo Galaxye, wo schön verteilt sy überall

    Refrain)

    Und I stuun ab dere Wyti, alles schynt unändlech gross

    Die viele Stärne wo’s do z’gseh git mache fassigslos

    Ganz niechtern zäigt ois d’Wüsseschaft, wie d‘Dimensione sy

    Und I versuech’s z‘begriffe und füül mi - so munzyg chly

    Ganz niechtern zäigt ois d’Wüsseschaft, wo mir do genau sy

    Und I als Mensch vernäig my - und fühl my ganz munzig chly

  • …unter “Lieder”

 
 
Rolland, angerscht, neues album, Mundart Liedermacher, Schweiz
 

LIEDER

Das Wichtigste bei meinen Liedern sind die Texte. Die Melodien und der Gesang wirken dazu als Transport-Medium, damit diese Texte bei den Menschen ankommen. «Genau so habe ich mich auch schon gefühlt» oder «In diesem Lied habe ich mich gesehen» sind für mich wunderschöne Komplimente, welche mich immer wieder motivieren, neue Lieder zu schreiben.

Mehr…

 
 

NÄCHSTER AUFTRITT

 

Culinarium Arlesheim (BL)
Altenmatteweg 2

4.Novemer 23
18 Uhr Essen / 20 Uhr Konzert

Eintritt frei / Kollekte
Tischreservation erwünscht

079 / 302 50 39

 

NEWSLETTER